Policia e Tiranës arrestoi një 23-vjeçar nga Vlora, i cili ishte shpallur në kërkim ndërkombëtar.
Polica sqaron se Athanas Xhuveli, 23 vjeç, banues në Tiranë, lindur në Vlorë ishte në kërkim ndërkombëtar, i dënuar me 10 vjet burg në shtetin Italian për grabitje.
23-vjeçari është arrestuar në rrugën “5 Maj”, në drejtim të një automjeti të markës “Kymco”, ku pas verifikimeve ka rezultuar pa leje drejtimi.
Gjatë kontrollit të banesës së marrë me qira prej tij, në afërsi të zonës së tregut “5 Maj”, i janë gjetur dhe sekuestruar në cilësinë e provës materiale: një armë zjarri tip pistoletë e markës “Beretta”, kalibri 9 mm, 273.8 gram lëndë e dyshuar narkotike e llojt Cannabis Sattiva, një maskë e zezë, dy palë doreza të zeza, një peshore elektronike dhe një automjeti markës “Kymco”.
Lidhur me këtë ngjarje, policia e Tiranës bën me dije se materialet hetimore do t’i kalojnë Prokurorisë pranë Gjykatës së Shkallës së Parë Tiranë për veprat penale “Prodhimi dhe mbajtja pa leje e armëve luftarake dhe e municionit”, “Prodhimi dhe shitja e narkotikëve” dhe “Drejtimi i automjeteve në mënyrë të parregullt”. /tesheshi.com/
