Ndërsa Tirana zien nga protagonizimi i shfrenuar i presidentit Meta lidhur me ngërçin në Kushtetuese, kryeministri Rama ka zbuluar vendndodhjen e tij këto orë, e që është Arabia Saudite. E dyta vizitë e tij në një kohë të shkurtër në Riad, kësaj here ajo është shoqëruar nga një takim me udhëheqësin de fakto të Saudisë, Princin e Kurorës Mohammed bin Salman.
“Në Riad me Princin e Kurorës Muhammed Bin Salman, për të diskutuar mbi ecurinë e përgatitjeve të disa investimeve të rëndësishme në turizëm, infrastrukturë dhe kulturë”, shkruan Rama, ku mungon sektori që përflitet se mund të jetë një boom për Shqipërinë – hidrokarburet.
Po bëhen disa kohë që qeveria shqiptare po tenton lidhjet e ngushta me Riadin, në përpjekje për sigurimin e sa më shumë investimeve saudite në Shqipëri. Në funkson të kësaj është dhe krijimi i një linje fluturimesh direke mes Tiranës dhe Riadit, potencuar ditë me parë dhe në një takim mes kryeparlamentarit Ruçi dhe ambasadorit saudit në Shqipëri. /tesheshi.com/
