Tirana ka përkujtuar zyrtarisht me një ceremoni të posaçme heroin legjendar, Adem Jashari në 18-vjetorin e rënies së tij.
Me këtë rast, kryetari i bashkisë Erjon Veliaj, ambasadori i Kosovës në Tiranë dhe zyrtarë të tjerë, kanë kryer homazhe pranë monumentit të tij në kryeqytetin e Shqipërisë.
“Për të ecur përpara duhet të kujtojmë se si kemi mbërritur këtu. Një Kosovë e lirë, një Shqipëri e lirë i dedikohet atyre që luftuan për lirinë. Betejat nuk kanë mbaruar, betejat për liri duhet të vazhdojnë çdo ditë për të treguar që mbrojmë atë për të cilën shumë dhanë jetën”, tha Veliaj.
Ndërkohë lideri i opozitës Lulzim Basha përmes një deklarate, e ka cilësuar familjen Jashari si zemrën e Kosovës së pavarur. /tesheshi.com/
