Edhe pse temperaturat janë ulur ndjeshëm, duke zbritur nën minus, banorët e disa lagjeve në kryeqytet do ta ndjejnë edhe më shumë të ftohtin, për shkak të mungesës së energjsë elektrike.
Që prej mesnatës së kaluar rruga “Gramoz Pashko” dhe e gjithë zona e Qytetit Studenti kanë mbetur në errësirë të plotë.
OSHEE ka sqaruar se kjo situatë ka ardhur për shkak të një defekti në fidrin e Selitës, pasi aktualisht 8 kabina janë jashtë funksionit.
Po ashtu, nuk kanë drita edhe banorët e segmentit të linjës nga Kabina e Prince Park deri tek Kabina Kinoklubi.
Gjatë këtyre ditëve, janë shënuar ndërprerje energjie edhe në zona të tjera të mëdha në kryeqytet, por fatmirësisht janë marrë masa, duke u’a rikthyer dritat./tesheshi.com/
