Tirana zyrtare ka reaguar ndaj vrasjes së një emigranti shqiptar në Korfuz, qëlluar nga një zyrtar i Agimit të Artë, pas një debati mes tyre në lokal.
“Ambasada e Republikës së Shqipërisë në Athinë është njoftuar nga Drejtoria e Përgjithshme e Policisë së Atikës, mbi vrasjen e shtetasit shqiptar Petrit Zifle, i lindur më 03.07.1955 në Shqipëri, banues në qytetin e Beratit dhe së fundmi me banim në Sparteron Korfuz. MEPJ shpreh keqardhjen për humbjen e jetës së shtetasit Petrit Zifle, përshëndet kapjen e autorit nga policia greke dhe bën thirrje për një hetim të plotë në funksion të zbardhjes tërësore të rrethanave të ngjarjes”, thuhet në një deklaratë të Ministrisë së Jashtme.
Ngjarja vjen pak ditë pasi në Bularat në Dropullit, policia shqiptare vrau shtetasin minoritar Kostandinos Kacifas, pasi u sulmua për orë të tëra nga ky i fundit me armë.
Ngjarja provokoi ngritjen e tensioneve nacionaliste greke, ku Agimi i Artë kishte rolin e prijësit në thirrjet anti-shqiptare. Dhe, mediat greke aludojnë se shqiptari është vrarë pikërisht për shkak të Kacifasit, jo vetëm si hakmarrje por dhe si temë debati. /tesheshi.com/
