Kur filluan protestat masive popullore në disa vende arabe në vitin 2011, që më pas u ashtuquajtën “Pranverë Arabe”, pritej që vala e tyre të godiste gjithashtu dhe Marokun.
Pasi Ben Ali u arratis dhe Mubarak u largua nga pushteti, ethet e protestave u zhvendosën në Marok. Një thirrje për protesta më 20 shkurt të atij viti u shfaqën në rrjete dhe më 17 shkurt, 20 organizata marokene të të drejtave të njeriut njoftuan se do të bashkoheshin me lëvizjen protestuese.
Por ndryshe nga udhëheqësit e tjerë në rajon që reaguan me forcë, mbreti maroken mbështeti kërkesat e protestuesve dhe më 9 mars 2011 hoqi dorë disa kompetenca; vendosi që në një Kushtetutë të re të zgjerojë fushën e të drejtave dhe lirive qytetare, e më pas çoi dhe vendin në zgjedhje, nga të cilat fituese doli Partia për Drejtësi dhe Zhvillim.
Mbreti maroken Muhamedi i 6-të ka ndërtuar imazhin e një sundimtari që ndërvepron me popullin dhe, në veçanti, duke ndihmuar të varfërit. Ai shpesh shfaqet dhe si një institucion që kritikon aparatin shtetëror dhe politikat e tij dhe i cili shpreh pakënaqësi për solidaritetin e munguar në mbështetje të njerëzve. Kjo ka bërë3 që ai të shihet si i ndarë nga aparati shtetëror, duke mos u trajtuar si përgjegjës për pasojat e politikave të gabuara.
Faktori ekonomik është një arsye kryesore për stabilitetin e Marokut. Qeveria ka treguar aftësinë e saj për të kapërcyer krizën ekonomike, veçanërisht në vitin 2016, pasi shpërthimit të disa protestave të mëdha. Reagimi i shpejtë i qeverisë marokene bëri që të hartohet një plan reformash ekonomike dhe për një kohë shumë të shkurtër u reduktua deficiti buxhetor në 3%, gjatë të njëjtit vit. Atëherë, tendenca e rritjes ekonomike shkoi në 2.9% në vitin 2018. Prodhimi bujqësor, në veçanti prodhimi i drithërave, shënoi rritje prej 15.1% në vitin 2017, ndërkohë që rritja e prodhimit vendas në degët e tjera ishte 2.8%.
Në sajë të planit ekonomik që ka sjellë një zhvillim të caktuar ekonomik, Maroku i ka ikur zhvlerësim të monedhës, ndërsa gradualisht ka realizuar një hapje tregu që ka kontribuar më tej për të shmangur krizën e madhe politike. /tesheshi.com/
