Ecja në anën e majtë të rrugës me timonin në të djathtë, siç njihet ndryshe “makina me timon anglez”, është një traditë me origjinë në Britaninë koloniale. Kur kalorësit hipnin mbi kuaj, ata tundnin shpatat me dorën e djathtë. Prandaj, ata do qëndronin në anën e majtë në mënyrë që të mund të sulmonin më mirë armiqtë e tyre.
Pra, që kur britanikët adoptuan kalërimin në të majtë, vende të tilla si Australia, Zelanda e Re, India dhe kombe të tjera të kolonizuara nga britanikët, lëviznin zakonisht në të majtë gjatë drejtimit të automjetit. Përfshihej te to edhe Japonia.
Ndodhi kjo deri në pikën e kthesës: në SHBA. Ishte koha e kolonizimit të Amerikës së Veriut dhe nevoja për të transportuar grurë në hapësira të mëdha. Aty u shfaq një vagon i ri, i cili u quajt Conestoga (sipas fisit Iroquois). Barrën e rëndë e tërhiqnin tetë mushka.
Burri që drejtonte vagonin e mallrave hipi në anën e pasme të mushkës së fundit në të majtë, me kamxhikun në dorën e djathtë. Por gjithnjë e më shumë këto automjete i detyruan autoritetet në Pensilvani të ndryshojnë dhe të rregullojnë me ligj drejtimin e udhëtimit. Ndaj ky zakon do të ndryonte që në vitin 1792, me makinat që nisën të ecnin në të djathtë në Amerikë, pra me timon në të majtë.
Britania, pasi kishte humbur SHBA-në pas Luftës së Pavarësisë, hezitoi të pranonte çdo ndikim nga ish-kolonitë e saj transatlantike. Për sa i përket pjesës tjetër të Kontinentit të Vjetër, ai iu bashkua menjëherë prirjes së re, të zgjeruar nga Luftërat Napoleonike dhe lëvizjet e mëdha të trupave, të cilat duhej të organizoheshin në rrugë.
Shfaqja e makinave të para dhe teknologjia e tyre ndikoi edhe në menaxhimin e trafikut. Në fillim, makinat lëviznin edhe në anën e majtë, sepse frena e dorës vepronte drejtpërdrejt në rrota dhe ishte, si në karrocat me kuaj, në pjesën e jashtme të trupit. Timoni vendoset në anën e djathtë. Me evoluimin e trupave dhe përmirësimin e mekanizmit të frenimit, leva e frenave të dorës vendoset midis dy sediljeve të përparme.
Më pas, për të njëjtën arsye, pozicioni i drejtimit u zhvendos në anën e majtë për të tërhequr frenat e dorës me dorën e djathtë. Kjo ndodhi në të gjithë botën, përveç vendeve anglo-saksone, të cilat ruajtën traditën e vjetër dhe mbajtën timonin në të djathtë. Argumenti ishte se është më mirë ta mbani timonin gjatë gjithë kohës me dorën e djathtë dhe te e majta të jenë kontrollet e tjera si leva e marshit ose frenat e dorës. Suedia dhe Islanda ishin të fundit në Evropë që kaluan në drejtimin e makinës në anën e djathtë të rrugës, në 1967 dhe 1968, pra me timon në të majtë. /tesheshi.com/
