Sekretari amerikan i Shtetit do ta vizitojë së shpejti Moskën, por kjo nuk e ka penguar atë të shprehë kritika ndaj Rusisë në lidhje me sulmin kimik të javës së shkuar në Siri.
Rex Tillerson është shprehur se Rusia nuk ia doli ta pengonte Sirinë që të kryente një sulm kimik, një dështim ky për Moskën sipas tij.
BBC-ja citon atë të ketë thënë se Rusia kishte pranuar të garantonte shkatërrimin e stoqeve të armëve kimike të poseduara nga Siria.
Edhe pse Tillerson ka pohuar se nuk dëshmi për përfshirjen e rusëve në sulmin kimik, ai ka nënvizuar se ata kishin dështuar në angazhimin e tyre ndaj bashkësisë ndërkombëtare.
“Rusia pati pranuar të ishte garantuese e shkatërrimit të stoqeve të armëve kimike të Sirisë; rezultati i dështimit të tyre ka çuar në vrasjen e më shumë fëmijëve dhe të pafajshmëve,” raporton BBC-ja të ketë theksuar zyrtari i lartë amerikan.
Tillerson do të jetë më së pari këtë fillimjave në takimin e ministrave të Jashtëm të G7-s në Itali, për të vizituar një ditë më pas Moskën, ku do të ketë bisedime me homologun e tij, Sergei Lavrov.
Pas zhvillimeve të ditëve të fundit, ndryshe nga Boris Johnson, sekretari amerikan i Shtetit nuk e anuloi vizitën në Rusi. /tesheshi.com/
