Pasi një tifoz sulmoi fizikisht një futbollist, ndeshja e ligës së dytë franceze të futbollit ndërmjet Bordo dhe Rodez u ndërpre.
Në raundin e 38-të dhe të fundit të ligës, Bordo, që po lufton për t’u ngjitur në Ligue 1, priti Rodez, që lufton për mbijetesë në Ligue 2, në stadiumin Matmut Atlantique.
Në minutën e 22-të të një ndeshjeje kritike për të dyja klubet, lojtari mysafir Lucas Buades ka tundur rrjetën dhe është sulmuar fizikisht nga tifozët teksa festonte golin.
Angle de vue qui montre d'où est sorti le rat 🐀 durant le match #Bordeaux vs #Rodez#ligue2BKT
Tiktok : Stadito pic.twitter.com/ohACOtpwpB
— Zoker ⭐ (@TheZokerTV) June 3, 2023
Gjyqtari i ndeshjes, Nicolas Rainville e ndërpreu ndeshjen për shkak të sulmit ndaj Buades, i cili mësohet se ka pësuar tronditje, dhe pamundësisë për të marrë masat e duhura të sigurisë në tribuna.
Bordo do të ishte promovuar në Ligue 1 nëse do ta kishte fituar ndeshjen me katër pikë. Nga ana tjetër, mjaftoi që Rodez të fitonte ndeshjen për të qëndruar në ligë.
Federata Franceze e Futbollit do të shpallë vendimin për ndeshjen të hënën më 5 qershor. /tesheshi.com/
