Për të dytën herë në pak ditë, Olimpiku i Lionit provon t’i shtyhet ndeshja, e madje t’i pezullohet.
Të enjten e shkuar, trazirat në shkallët e stadiumit dhe pushtimi i fushës nga tifozët do ta shtynin për rreth treçek ore takimin mes Olimpikut të Lionit dhe Beshiktashit, i vlefshëm për çerekfinalet e Ligës së Europës.
Këtë herë jo në fushën e vet, Olimpiku i Lionit ka provuar të njëjtën gjë në Korsikë, në një ndeshje të kampionatit francez.
Ndeshja në transfertë ndaj Bastisë është shtyrë me thuajse një orë në pasditen e vonë të së dielës pasi tifozët vendas zbritën në fushë teksa lojtarët ishin në nxehje. Ata u përpoqën t’i sulmonin lojtarët e Lionit, çka solli rrëmujë në fushë.
Udhëtuesit u bindën të kthehen për të nisur lojën 55 minuta më vonë, por ndeshja u pezullua përfundimisht në pushimin midis dy pjesëve, me incidentet që nuk kishin të ndalur.
Ky nuk ishte incidenti i parë në fushën e Bastisë, të ndëshkuar dhe më herët gjatë këtij viti për koret raciste ndaj Mario Balotelli-t. /tesheshi.com/
