Nuk të duhet shumë kohë për të siguruar një biletë për ta ndjekur nga afër Real Madridin, ndërkohë që pak muaj më parë ishte pothuajse e pamundur.
Forma jo e mirë që po kalon klubi mbretëror ka bërë që tifozët madrilien të humbasin besimin në skuadër, deri sa kanë braktisur edhe shkallët e stadiumit.
Në duelin e fundit në kampionat ndaj skuadrës, Rayo Vallecano, të pranishëm ishin vetëm 61.564 tifozë, numri më i vogël që nga fillimi i edicionit të sivjetshëm. Ndërkohë, edhe më keq ishte në duelin e Ligës së Kampionëve, që mbretërit e zhvilluan ndaj Malmos. Vetëm 60.663, tifozë ishin përgjigjur thirrjes së klubit për ta parë ndeshjen, derisa në fillimin e kampionatit mesatarja e tifozëve ishte 75.000 për ndeshje.
Tashmë është e sigurtë, klubi ka prishur mardhëniet me tifozët, të cilët janë kundër trajnerit Benitez dhe disa nga lojtarëve brenda skuadrës. Ndryshimet në stolin e skuadrës dhe ndërhyrja e presidencës në merkato mund të sjellin paqen në Bernabeu, që tashmë nuk beson shumë.
/tesheshi.com/
