Tifozët e skuadrës angleze, Manchester United po kërkojnë nga drejtuesit e klubit, shitjen e futbollistit ekuadorian Antonio Valencia, përmes një peticioni. Ky veprim i tifozëve vjen pas një gabimi amatoresk të bërë nga futbollisti gjatë pozicionimit në rastin e golit të Wolfsburg, që u kushtoi “djajve” humbjen e ndeshjes.
Erdhi si zëvendësues i Cristiano Ronaldo e përfundoi si mbrojtës i krahut të djathtë. Kjo është historia e Antonio Valencias i cili është duke mbuluar krahun e djathtë të mbrojtjes në mungesë të alternativave për trajnerin Luis van Gaal. Këtë punë nuk duket se po e bën edhe aq mirë ekuadoriani, i cili ka bërë një gabim amatoresk gjatë pozicionimit në rastin e golit të Wolfsburg.
Për fatin e tij të mirë, Juan Mata dhe Cris Smalling realizuan për të përmbysur ndeshjen. Por, kjo situatë nuk është kapërdirë lehtë nga tifozët e “djajve të kuq”, të cilët kanë kërkuar shitjen e futbollistit përmes një peticioni.
Në faqen e njohur të shitjes “change.org” tifozët kanë vënë në shitje 30-vjeçarin. Në përshkrimin e “artikullit”, ata shkruajnë: “Ky njeri na shkakton stres si asnjëherë tjetër. Ne nuk mund të lejojmë gabime të tilla për çdo ndeshje të luajtuar”. /tesheshi.com/
