Tifozët klubit nga Old Traford janë ngritur sërish në protestë ndaj familjes Glazer, e cila njëherësh është edhe pronare legjitime e klubit. Mbështetësit e Manchester United, kërkojnë rikthimin e ngjyrave tradicionale që kishte dikur klubi: jeshile dhe me të verdhë.
Shumë figura të njohura që dikur kanë qenë pjesë e “djajve”, kanë mbështetur këtë fushatë për rikthimin e ngjyrave të vjetra të klubit. Madje, njëri ndër ta ishte dhe David Beckham, që në vitin 2010, gjatë duelit ndaj ish-skuadrës së tij me Milan-in, kishte bartur me vete shallin me ngjyrat jeshil dhe të verdhë.
Kjo mbetet vetëm njëra ndër arsyet e tifozëve pse dëshirojnë largimin e familjes Glazer nga klubi i United.
Megjithëse Manchester United vazhdon të mbetet një ndër klubet më të pasura në botë, tifozët kanë protestuar vazhdimisht për shitjen e yjeve si Cristiano Ronaldo apo Carlos Tevez, duke u zëvendësuar me lojtarë si Michael Oëen dhe Antonio Valencia.
Familja Glazer është pronare e klubit që nga viti 2005, vit kur bleu të gjitha aksionet e klubit, madje me 780 milionë euro borxhe, duke e ngritur në piadestalin më të lartë ekonomik. /tesheshi.com/
