Lajmi se legjenda e klubit londinez, John Terry, do t’i thotë lamtumirë Çelsit në fundin e sezonit i ka brengosur shumë tifozët, ndaj ata kanë menduar një zgjidhje mjaft interesante që kjo të mos ndodhë.
Suraj Patel, tifoz i zjarrtë i klubit londinez, ka kërkuar nënshkrimin e një peticioni për t’i zgjatur kontratën John Terry-t, e për të mos e lënë atë të largohet në fund të sezonit.
“Unë besoj se John Terry është një nga mbrojtësit më të mirë në Premier League, e njëherësh edhe
kapiteni më i mirë që ka patur skuadra e Çelsit, ndaj dhe meriton një kontratë të re në fund të sezonit. Si njëri ndër lojtarët më të mirë në historinë e klubit, është e papranueshme që ai ta mbyllë karrierën pa asnjë titull. Për të kjo do ishte një katastrofë e vërtetë, ndaj dhe meriton një kontratë të re,” thuhet në përshkrimin e peticionit. /tesheshi.com/
