Të hënën, rreth 60 mijë tifozë francezë pritën në sheshin Concorde të Parisit kombëtaren e futbollit, e cila u kthye nga kampionati botëror me medalje argjendi, pra si nënkampione.
Ndonëse drejtuesit e Federatës Franceze të Futbollit njoftuan të hënën se nuk do të kishte pritje ceremoniale, megjithatë kjo ndodhi pavarësisht humbjes së dhimbshme në finale ndaj Argjentinës, pas penalltive.
Shumë tifozë francezë u mblodhën për të përshëndetur futbollistët kampionë dhe nënkampionë në dy kampionatet e fundit botërore dhe deliri i madh ndodhi kur trajneri Didier Deschamps dhe lojtarët u shfaqën në ballkonin e Hotel Crillon.
Flamuj të shumtë francezë u valëvitën, u brohoritën kombëtare dhe lojtarë individualë dhe pasi futbollistët dolën në ballkon, pati edhe fishekzjarre dhe një sfond të mbushur me bomba tymuese.
“Kemi pasur probleme të shumta para turneut dhe gjatë kampionatit, por pavarësisht kësaj kemi qëndruar të bashkuar dhe një ekip i vërtetë. Besoj se tifozët tanë e kuptuan këtë. Humbja në finale ende dhemb, por prandaj erdhëm këtu, me tifozët tanë, për ngushëllim”, tha portieri francez Hugo Lloris pas kthimit në vendlindje. /tesheshi.com/
