Tuneli më i lartë i trafikut në botë, i vendosur në 4.750 metra mbi nivelin e detit, u hap të premten në Tibet.
Një tunel prej 5.7 kilometrash është pjesë e një autostrade që lidh kryeqytetin tibetian Lhasa me qytetin Nyingchi në juglindje të Tibetit.
Ndërtimi i këtij tuneli me dy korsi që përfshinte 2.000 punëtorë, filloi në 2015 dhe përfundoi këtë të premte.
Gong Bin, drejtor ekzekutiv i projektit Tunnel Mountain Mila, tha se gjatë ndërtimit janë aplikuar më shumë se 10 projekte teknologjike, të tilla si përmirësimi i saktësisë së mbikëqyrjes së tunelit malor në kushte ekstreme të motit të ftohtë dhe në lartësi të larta.
Përveç kushteve të pafavorshme – dimrit dhe mungesës së oksigjenit – ndërtimi i tunelit ka kërkuar edhe sfida të tjera të tilla si transporti i materialeve të ndërtimit, raporton China Daily.
“Ne kemi punuar këtu për më shumë se katër vjet dhe jetuam në një strehim të improvizuar në hyrje të tunelit”, tha Xu Yong, menaxher i kantierit.
Ai shtoi gjithashtu se autostrada është një rrugë e rëndësishme që mund të ndihmojë zhvillimin e turizmit, zhvillimin industrial dhe lehtësimin e lëvizjes së popullatës lokale. /tesheshi.com/
