Vrasja dy net më parë e shtetasit Xhevahir Brasha, ngjarje e ndodhur në Fllakë në Durrësit, mund të ketë patur si shkak hakmarrjen për prerjen e një veshi nga ana e viktimës, 5 vite më parë në Angli.
Sa për autorët e ekzekutimit të 42-vjeçarit me origjinë nga Hasi, policia ka hedhur dyshimet se ata janë vrasës me pagesë nga Kosova, por ende nuk ka rënë në gjurmët e tyre.
Ndërsa për motivet, thuhet se ato kanë të bëjnë me një ngjarje të para 5 viteve ku viktima në bashkëpunim dhe me 4 persona të tjerë, i kishte prerë veshin një bashkëpatrioti nga Hasi, i cili ka qenë në automjet së bashku me bashkëshorten dhe dy fëmijët e tij.
Policia shqiptare që po heton ngjarjen, po u kërkon informacione autoriteteve britanike rreth së shkuarës së Xhevahir Brashës, për të zbardhur më hollësisht se pse iu morr jeta dhe kush ja morri atë. /tesheshi.com/
