Dy ditë para shënimit të pavarësisë, Kosovës i ka ardhur njohja e 116-të. Njohja vjen nga shteti i Barbadosit. Lajmin e ka konfirmuar zv.kryeministri dhe ministri i Punëve të Jashtme të Kosovës, Behgjet Pacolli.
“Në vigjilen e festës së madhe të pavarësisë, qe edhe një njohje nga shteti i Barbadosit, Urime Kosovë e dashur!!!!!”, shkruan Pacolli në Facebook.
Përveç tij, lajmi e kanë konfirmuar edhe presidenti Thaçi e kryeministri Haradinaj, për çka kanë uruar qytetarët.
“Festa e dhjetëvjetorit të pavarësisë së Kosovës sapo ka filluar. Barbados është shteti i radhës që njeh Kosovën. Urime gjithë qytetarëve të Kosovës. HTH #kosova10”, shkruan Thaçi në Facebook.
Kurse Haraddinaj ka shkruar: “Falemnderit Barbados për njohjen e Republikës së Kosovës si shtet i pavarur dhe sovran, në vigjilje të përvjetorit jubilar të pavarësisë. Urime Kosovë!”.
Ja karakteristikat e Barbadosit
Barbadosi është një shtet në Ishull në Karaibe të rajonit së Amerikës së Veriut.
Ka një sipërfaqe prej 432 km katrorë, e cila është e vendosur në zonën perëndimore të Atlantikut të Veriut dhe 100 km në lindje të Islandës dhe Detit të Karaibeve.
Po ashtu në këtë ishull ka banorë nga Kalinago që nga shekulli i 13-të. Kryeqyteti i këtij vendi dhe njëherësh qyteti më i madh është Bridgetown.
Ishulli Barbados është një mozaik interesant i kulturave dhe traditave i cili ka vlera të mirëfillta të cilat me kalimin e kohës është identifikuar edhe për trashëgiminë e tij unike historike, kuzhinës dhe artistike.
Kujtojmë se Barbadosi është edhe vendlindja e yllit të muzikës botërore, Rihanës, pra mikes së Rita Orës e cila do vjen më 17 shkurt për të mbajtur koncert. /tesheshi.com/
