Francezi Thomas Coville ka vendosur një rekord të ri në solo-lundrim me vela në një raund rreth e përqark globit, duke e përshkuar atë për vetëm 49 ditë të dielën, duke mposhtur rekordin e mëparshëm botëror për më shumë se 8 ditë.
Coville ka arritur në vijën e finishit në Ushant, një ishull në jugperëndim të kanalit anglez, në orën 05:57 sipas kohës lokale, pas një solo udhëtimi rreth e përqark globit, për të cilën iu deshën vetëm 49 ditë, 3 orë, 7 minuta dhe 38 sekonda.
Coville uli rekordin botëror për tetë ditë, pasi rekordi i mëparshëm prej 57 ditë, 13 orë, 34 minuta dhe 6 sekonda ishte vendosur nga një tjetër francez, Francis Joyon, në vitin 2008.
Colville, i cili kishte lundruar në një Maxi trimaran 31-metra të gjatë, rrallë kishte fjetur më shumë se 30 minuta brenda intervalit kohor të caktuar gjatë garës, për të qëndruar në gadishmëri të vazhdueshme për çfarëdo rreziku apo ndryshimi të kushteve.
Coville u nis nga Brest në bregdetin Brittany më 6 nëntor. Atij i duhej të kthehet me 3 janar për të vendosur një rekord të ri./tesheshi.com/
