Partitë politike po thyejnë heshtjen zgjedhore duke dërguar mesazhe në celularët e qytetarëve ku bëjnë thirrje nën siglën e partisë dhe numrit që kërkojnë të votohet.
Përmes mesazheve në telefonat celularë, partitë politike dhe kandidatët kanë shkelur kështu heshtjen zgjedhore, duke bërë thirrje për të votuar njërin apo tjetrin subjekt.
Në Tiranë, nën siglën “23 PS”, Partia Socialiste po u dërgon mesazhe SMS të përsëritura njerëzve duke u kërkuar të votojnë.
Në qytetin e Korçës po ashtu po qarkullon një mesazh, i cili iu kërkon qytetarëve të votojnë kandidatin Gjergji Mero dhe Partinë Demokratike.
Gjithashtu, për mesazhe të ngjashme raportohet në Elbasan, Kamzë, si dhe në Tiranë, ku kërkohet vota për kandidatin e pavarur, Arben Tafaj. /tesheshi.com/
