Tre të rinj norvegjezë, të nisur në një aventurë të bukur, kanë arritur të thyejnë një rekord të ri botëror, duke vizituar sa më shumë shtete të ishte e mundur brenda harkut kohor prej 24 orësh.
Tay-young Pak, Øystein Djupvik e Gunnar Garfors kanë përshkuar në këmbë plotë 19 shtete gjatë një dite të vetme. Të nisur në mesnatë nga Greqia, ata kanë kaluar në Bullgari, Maqedoni, Kosovë, Derbi, Kroaci, Bosnje, Slloveni, Austri, Hungari, Sllovaki, Republikën Çeke, Gjermani, Holandë, Belgjikë, Luksenburg, Francë, Zvicër dhe Litenshtain.
Tre miqtë kishin planifikuar të shkonin edhe në Itali, duke e çuar kështu në 20 numrin e shteteve që do të mund të kishin vizituar, por për fat të keq nuk ia kanë dalë për shkak të kohë së keqe, e cila ka ndryshuar planet e tyre.
Për të thyer rekordin, të rinjtë kanë përdorur disa anije si dhe kanë marrë dy fluturime me avion mes Austrisë dhe Gjermanisë si dhe për të kaluar nga Maqedonia në Serbi.
Këtë aventurë e kishin provuar edhe një muaj më parë, por nuk kishin mundur të thyenin rekordin prej 17 shtetesh që të tjerë para tyre kishin shënuar. Këtë herë ia kanë dalë me të vërtetë. /tesheshi.com/
