Lideri i partisë shqiptare në opozitë, Menduh Thaçi ka adresuar kritika të fuqishme ndaj partive të vogla shqiptare në Maqedoni, përfshirë këtu Lëvizjen Besa, LR PDSH, RDK dhe UNITETIN.
Ai këto komente i ka bërë në një intervistë në emisionin Zig Zag në TV Art.
“ Unë mendoj se për të mbajtur opozitë në një shtet ku edhe si etni je opozitë dhe ku numri i bashkëkombësve të tu është i vogël, 700.000 ose 600.000, është shumë e rëndë dhe shumë e vështirë. Mendoj se opozitat e tjera janë projektime. Disa janë projektime të interesave të ngushta, disa janë projektime të partive maqedonase”, deklaroi Menduh Thaçi në emisionin Zig Zag.
Sipas tij, këta projektues, 99 përqind po e sulmojnë opozitën e vërtet shqiptare, qoftë VMRO-ja, ose qoftë LSDM-ja.
“Neve nga doli një opozitë e tillë në vitin 2008 dhe juve ju kujtohet se njëherë ishin me VMRO-në dhe pastaj u bënë anëtar të kabinetit të Cërvenkovskit, dhe Cërvenkovski shkonte në takimin e liderëve bashkë me Imer Selmanin. Unë nuk i pranoja ato takime. Pastaj doli edhe ish kryetari i komunës së Gostivarit, i cili çuditërisht lidhet me LSDM-në duke qenë Branko Cërvenkovski kryetar.
Po ju tregoj një ngjarje të vogël: kam qenë në një udhëtim në Stamboll në vitin 2011 dhe me kërkoi Cërvenkovski që të bisedojmë diçka. U ktheva dhe shkova në zyrë, më tha: Si do t`ia bëjmë me Imer Selmanin, a do t`i ndani ju gjysmë për gjysmë anëtarët e këshillave votues? I thash: Ore t`i lexon ligje apo je në hava”, përfundoi Thaçi./tesheshi.com/
