Dy politikanë shqiptarë, Albin Kurti e Lulzim Basha, paskan qenë shënjestër e atentateve të mundshme. Ky fakt ka dalë së fundi nga rrjedhja e disa dokumentave kofidenciale, pas së cilës është hakerimi nga iranianët i sistemit në Shqipëri.
Kështu, në vitin 2021, Njësia Kundër Terrorizmit në Kosovë ka zbuluar një plan për të vrarë kryeministrin Albin Kurti dhe dy persona të tjerë nga një shtetas nga Shqipëria. Kjo është zbuluar nga një e-maili i ish-Drejtorit të Përgjithshëm të Policisë së Shtetit në vitin 2021, Gledis Nano.
Në dokument theksohet se Njësia Kundër Terrorizmit në Kosovë ka marrë informacione për atentat ndaj kryeministrit të Kosovës, Albin Kurti, të Ismet Haxhës, ish-anëtar i Shërbimit Informativ të Kosovës dhe i afërm i Kadri Veselit dhe Xhavit Halitit, anëtar i Partisë Demokratike të Kosovës dhe ish-deputet.
I dyshuari si autor është Prek Kodra, shtetas shqiptar. Në dokument theksohet se ai ka aftësi të mira në përdorimin e snajperëve dhe se dyshohet se është përfshirë në disa vrasje në Kosovë dhe Mal të Zi. Ndërkohë, Kodra dyshohet se jeton në Shkodër, ndërsa vepron në Tropojë, Ferizaj dhe Deçan të Kosovës.
Sipas informacione të Njësisë Kundër Terrorizmit, objektivi i parë do të ishte Ismet Haxha. Objektivi i dytë ishte Xhavit Haliti, i cili do të vritej një muaj pas Haxhës për t’u dukur si hakmarrje. Më pas, do të vritej edhe kryeministri Albin Kurti. Sipas informacioneve, qëllimi i këtyre atentateve është destabilizimi i Kosovës. Po ashtu, në dokument theksohet se të tre atentatet do të kryheshin në 4 muajt e ardhshëm.
Orë pas daljes së këtij fakti, Zyra e Kurtit e ka konformuar diçka të tillë, duke thënë se atentati në tentativë u mbajt sekret për mospërhapje paniku.
Më tej, Drejtoria e Antiterrorit shqiptar ka hetuar dhe përgjuar pesë vite më parë dy shtetas të Kosovës dhe një të Maqedonisë së Veriut, si persona të lidhur ose që kishin dijeni për një atentat që mund të organizohej ndaj ish-kryetarit demokrat Lulzim Basha.
“Nga proceset e ndjekjes janë ngritur dyshime të arsyeshme se individët e njohur si A.M, i njohur si vrasës me pagesë, kanë dijeni apo lidhen me dyshimet për planifikimin e një atentati në vendin tonë ndaj Kryetarit të Partisë Demokratike, Lulëzim Basha, me qëllim de stabilizimin e vendit”, thuhet në dokument.
Gjithsesi, fakti që të dy janë gjallë, tregon se jo domosdoshmërisht kanë qenë shënjestër atentatesh. Nuk është kaq e lehtë të vrasësh një politikan me peshë, qoftë dhe të hartosh plan për ta vrarë. /tesheshi.com/
