Manjati Yuri Voronov, kreu i një kompanie logjistike që ka kontrata të rëndësishme me Gazprom për Arktikun, u gjet i vdekur në pishinën e tij me një plumb në kokë herët të hënën në rezidencën e tij në Shën Petersburg.
Në ambientin e pishinës është lokalizuar një pistoletë Grand Poëer, ndërsa në fund të pishinës janë gjetur disa fishekë.
Voronov është multimilioneri i gjashtë rus me lidhje me Gazprom që vdes në mënyrë misterioze që nga fillimi i vitit.
Sipas komisionit hetimor kompetent, vdekja e 61-vjeçarit vjen si pasojë e “marrëveshjeve me partnerët e biznesit”.
Gruaja e tij u tha inspektorëve se Voronov besonte se ai ishte viktimë e një mashtrimi që përfshinte kontraktorë mashtrues dhe profesionistë të tjerë.
Akuzat për “vetëvrasje” të organizuara
Megjithatë, shumë spekulojnë se numri i lartë i vdekjeve në pallatet e zonave të pasura të Shën Petersburgut është për shkak të vrasjeve, të cilat megjithatë janë inskenuar për t’u dukur si vetëvrasje.
Shkurtin e kaluar, zyrtari i lartë i financave dhe sigurisë i Gazprom, Alexander Tyulakov, 61 vjeç, u gjet i varur në rezidencën e tij. Policia njoftoi se ai ka kryer vetëvrasje. Por mediat lokale raportuan se trupi kishte shenja rrahjeje, gjë që tregon se vetëvrasja ishte e inskenuar.
Në të njëjtin kompleks, tre javë më vonë, Leonid Shulman, i cili ishte kreu i transportit për Gazprom Invest, një degë e Gazprom që merret me projekte investimi, u gjet i vrarë me thikë në tualet.
Në të njëjtën kohë, në maj, u gjet i vdekur miliarderi 43-vjeçar Alexander Shubotin, ish-kreu ekzekutiv i gjigantit tjetër rus të energjisë Lukoil. Një nga teoritë flet për një atak në zemër të shkaktuar nga helmi i bretkosës.
Më herët në prill, ish-zyrtari 51-vjeçar i Kremlinit, Vladislav Avaye, thuhet se kreu vetëvrasje pasi vrau gruan e tij 47-vjeçare dhe vajzën e tyre 13-vjeçare. Ai vetë kishte marrëdhënie me Gazprombank. Miqtë e çiftit kanë mohuar zërat se zyrtari vrau gruan e tij nga xhelozia pasi ajo pranoi se ishte shtatzënë me fëmijën e shoferit të tyre dhe pretendoi se ai kishte akses në sekretet financiare të elitës së Kremlinit.
Edhe multimilioneri Sergei Protosenia u gjet i varur në Spanjë, pasi edhe ai kishte vrarë me sëpatë gruan e tij 53-vjeçare Natalia dhe vajzën e tyre adoleshente, Maria. /tesheshi.com/
