Siç në Shqipëri, për koiçidencë a jo, edhe në Serbi opozita e atjeshme ka dhënë sinjale se do bojkotojë zgjedhjet e pritshme.
Duke komentuar një deklaratë të Zëvendës Ndihmës Sekretarit të Shtetit Matthew Palmer i cili tha se shpresonte që opozita nuk do të bojkotonte zgjedhjet në Serbi, Nënkryetari Ekzekutiv i Këshillit Atlantik, Damon Wilson tha se ai besonte në Kushtetutë dhe institucionet demokratike, edhe pse shtoi që vërtet opozita po funksiononte në kushte të vështira.
“Nëse jeni opozitar serb, është e vështirë! Ajo është në një situatë të vështirë dhe këtë e kuptoj. Nuk më pëlqen situata e mediave në Serbi, është shumë e vështirë, kjo është arsyeja pse unë po flas me ju, kjo është arsyeja pse unë jam shumë i kënaqur me punën e bërë nga redaksia e Zërit të Amerikës në Serbi, mendoj se është me të vërtetë e rëndësishme. Nëse doni të dëgjoni mendime të ndryshme, është vërtet e vështirë, “tha Wilson.
Ai vuri në dukje trendin e bojkoteve, referuar dhe rastit shqiptar.
“Unë kam një kuptim të madh të kushteve të vështira nën të cilat operon opozita serbe, kjo nuk është një detyrë e lehtë. Në të njëjtën kohë, është e rëndësishme të jesh në terren, të bisedosh me njerëzit dhe komunitetet, të futesh në garë, të jesh përgjegjës dhe të luftosh për ide politike përmes mekanizmave të disponueshëm, ndërsa përpiqesh të përmirësosh proceset demokratike. E di që kjo nuk është ideale, por jam i shqetësuar gjithashtu për ata që thonë se ‘ne nuk do të marrim pjesë’. Nuk është shumë optimiste nëse shihni se ka vetëm një zë dhe një fuqi në fushë”, shtoi Wilson gjatë një interviste për VOA-n në serbisht. /tesheshi.com/
