Në datat 28 dhe 29 dhjetor, Beogradin pritet ta vizitojë kryeministri turk, Ahmet Davutoglu.
Autori i të famshmit libër “Thellësi Strategjike”, do shkojë në kryeqytetin serb me një shpurë biznesmenësh të fuqishëm turq, siç njoftojnë mediat e Beogradit.
Ky fakt është pohuar dhe nga kryeministri Vuçiç gjatë njoftimit të kësaj vizite, duke thënë se biznesi turk është i interesuar që të intestojë në disa fusha në Serbi.
Kjo vizitë e Davutoglusë në bastion rus të Ballkanit vjen në një kohë kur Moska e Ankaraja kanë ende raporte të acaruara për shkak të incidentit me avionin rus të rrëzuar nga forcat ajrore turke në kufirin me Sirinë, si dhe në kohën kur Kremlini po përpiqet me mish e me shpirt që ta mbajë të lidhur Beogradin mbas vetes, që mos e lë të rrëshqasë në influencën e Perëndimit. /tesheshi.com/
