Kryeministri Rama sapo ka promovuar atë që e konsideron risi të mandatit të tretë, një lloj “thithje truri” të shqiptarëve në emigrim.
Quhet “Gati për Shqipërinë”.
Në një status të fundit, duke nisur me adresën e kësaj nisme – gatipërshqipërinë@kryeministria.al – i pari i qeverisë shkruan:
“Kjo adresë është në dispozicion të të gjithë atyre që kanë studiuar me rezultate të larta, jashtë shtetit apo në Shqipëri, të cilët kanë dëshirë të më kontaktojnë mua personalisht apo anëtarët e tjerë të kabinetit, për të kontribuar me opinionet, idetë, projektet apo edhe gatishmërinë e tyre që të përfshihen drejtëpërdrejtë në punët e mëdha të Mandatit të Tretë”. /tesheshi.com/
