Kryebashkiaku i Bulqizës Lefter Alla, sërish nuk ka pohuar nëse është apo jo – më saktë të thotë që jo – si personi që shfaqet në një video duke konsumuar lëndë narkotike, si të ishte një i ri i varur nga droga e jo një mesoburrë me një përgjegjësi jo të vogël publike.
Alla është mjaftuar t’a cilësojë si video-montazh, ndërsa pas një paraqitjeje në SPAK mbrëmjen e së enjtes, tha shkurt: ” E ka në dorë drejtësia. Nuk kam asnjë koment”.
Nga ana tjetër, para hetuesve të SPAK ishte dhe gazetari i njohur Artan Hoxha, njeriu që nxorri videon e rëndë kompromentuese, i cili u tha kolegëve të tyre në përgjigje të interesit:
“Dhashë informacion dhe rrëfeva gjithçka i duhet SPAK për të vijuar hetimet. Kam besim që SPAK do të bëjë punën e vet dhe do përmbushë pritshmërinë që kemi. Unë nuk kam lidhje me Salianjin dhe çështjen Babale.
Prokurorët më siguruan që do i shkojnë deri në fund asaj që parashikon legjislacioni”.
Hoxha është i bindur se njeriu në video që thith lëndë narkotike, është pikërisht Lefter Alla i Bulqizës. /tesheshi.com/
