Presidenti i Federatës Ndërkombëtare të Futbollit (FIFA), Gianni Infantino, bëri thirrje për një armëpushim në Ukrainë derisa të vazhdojë Kupa e Botës, raporton Reuters.
Gjatë një drekë me krerët e vendeve anëtare të G20 në Bali, Infantino theksoi se Kupa e Botës, e cila fillon të dielën në Katar, është një mundësi unike për një armëpushim në Ukrainë.
“Kërkesa ime për të gjithë është që të shqyrtohet një armëpushim i përkohshëm për një muaj gjatë Kupës së Botës, ose të paktën zbatimi i disa korridoreve humanitare. Bëni diçka që mund të çojë në rinovimin e dialogut, që do të ishte hapi i parë drejt paqes”, tha Infantino.
Kupa e Botës do të mbahet nga data 20 nëntor deri më 18 dhjetor.
“Ju jeni liderët e botës, keni mundësinë të ndikoni në rrjedhën e historisë. Futbolli dhe Kupa e Botës ju ofrojnë një platformë të shenjtë uniteti dhe paqeje në mbarë botën”, shtoi kreu i FIFA-s. /tesheshi.com/
