Shefi i Zyrës së Komunikimit të Presidencës Turke, Fahrettin Altun tha se Turqia dhe Bashkimi Evropian deri më tani kanë punuar ngushtë në një numër fushash, duke shtuar se ata mund të bëjnë të njëjtën gjë në luftën kundër lëvizjeve raciste anti-myslimane.
Raporti Evropian i Islamofobisë për vitin 2019 u paraqit në në Ankara, dhe Altun tha në fjalimin e tij se qëllimi i raportit nuk ishte fajësimi i dikujt, por thirrja për një dialog të hapur dhe të ndershëm midis miqve.
Raporti është përgatitur nga Fondacioni për Kërkime Politike, Ekonomike dhe Sociale (SETA) me seli në Ankara, raporton AA.
Altun vuri në dukje se raporti lejon njerëzit në mbarë botën të monitorojnë nga afër zhvillimin e racizmit anti-musliman në Evropë.
“Evropa përkeqësohet çdo ditë”
Ai theksoi se racizmi anti-musliman nuk është vetëm një problem evropian, duke përmendur se muslimanët ose janë vrarë ose plagosur, në të gjithë botën, si pjesë e përpjekjeve për t’i zhvendosur dhe frikësuar në mënyrë sistematike.
Ai tërhoqi vëmendjen për faktin se Islamofobia në Evropë përkeqësohet çdo ditë dhe tha se në Evropë ka një rritje të dukshme të sulmeve ndaj muslimanëve, xhamive dhe qendrave të bashkësisë islame.
“Prandaj, lufta kundër Islamofobisë duhet të fillojë menjëherë në Evropë,” tha ai.
Ai kritikoi gjithashtu pasivitetin disa evropianëve, duke theksuar se vendet evropiane, intelektualët dhe vendimmarrësit duhet të ndalojnë ta perceptojnë Islamin si një kërcënim të sigurisë dhe muslimanët si kriminelë të mundshëm.
Ai tha se liderët evropianë nuk duhet të pranojnë racizëm anti-musliman dhe të mos plotësojnë kërkesat e njerëzve të ekstremit të djathtë. /tesheshi.com/
