Nga Brukseli ka ardhur apeli për zgjedhjen sa më të parë të ngërçit në përzgjedhjet për Gjykatën Kushtetuese, ku edhe njëherë, protagonist është ai, i votuari nga mazhoranca për president, Ilir Meta. Ky i fundit, duke zgjedhur të katërtën në listën e KED-it, Marsida Xhaferllarin, e mospranuar të zgjedhurën automatikisht Arta Vorpsi, është futur në konflikt si me parlamentin e si me Këshillin e Emërimeve në Drejtësi(KED).
Dhe nga BE, ky zhvillim po ndiqen me shumë shqetësim. Maja Koçijançiç, zëdhënëse e Brukselit, tha se “Shqipëria ka nevojë për ngritjen e një Gjykate Kushtetuese funksionale sa më shpejt që të jetë e mundur. Është thelbësore për popullin shqiptar dhe për efektivitetin e shtetit ligjor në Shqipëri. Dhe është gjithashtu thelbësore që Shqipëria të ecë përpara në rrugën e saj të integrimit në BE”.
“U bëjmë thirrje të gjitha institucioneve shqiptare të përfshira që ky konflikt interpretimi të zgjidhet sa më shpejt dhe të jepet qartësi mbi përbërjen e Gjykatës Kushtetuese”, deklaroi ajo. /tesheshi.com/
