Evropa do të përjetojë probleme të reja strategjike nëse nuk arrin të integrojë vendet e Ballkanit Perëndimor, tha të hënën ministri hungarez i Punëve të Jashtme dhe Tregtisë Peter Szijjarto.
Në Forumin Strategjik të Bled, ai tha se narrativa perëndimore për konfliktin në Ukrainë nuk është e njëjtë në vendet që nuk janë në kontinentet evropiane dhe të Amerikës së Veriut.
Ministri hungarez e konsideron këtë një lloj disfate strategjike për Evropën dhe thekson se prandaj është thelbësore që Evropa të arrijë paqen në mjedisin e saj sa më shpejt të jetë e mundur.
“Sa më i madh, aq më i fortë”
“Mendoj se situata aktuale duhet t’u tregojë qartë të gjithëve se Bashkimi Evropian duhet ta përshpejtojë integrimin, sepse sa më të mëdhenj të jemi aq më të fortë jemi”, tha ai.
“Nëse nuk jemi në gjendje të integrohemi më shumë, veçanërisht Ballkani Perëndimor, na presin probleme të reja strategjike”, tha ministri i vendit që kërkoi dhe mori përjashtimin nga sanksionet evropiane për sektorin energjetik rus.
“Pse blejmë gaz nga rusët? Sepse fizikisht nuk mund ta blejmë askund tjetër… Prandaj nuk kemi dhe nuk do të mbështesim sanksionet energjetike. Dhe nuk ka asnjë aspekt rus, është një çështje thjesht hungareze”, përfundoi Szijjarto. /tesheshi.com/
