Thirrje amerikane e radhës për Serbinë

Lidhur me vendimin e Malit të Zi, Bullgarisë dhe Maqedonisë së Veriut për të mos lejuar fluturimin e ministrit të Jashtëm rus Sergei Lavrov për në Beograd, Departamenti i Shtetit tha se ato, si shtete sovrane, “morën vendime sovrane për hapësirën ajrore, duke reflektuar vendosmërinë e Evropës që t’i përçojnë Rusinë  përgjegjësinë për shkak të pushtimit të Ukrainës.

Njëherësh, zëdhënësi i Departamentit të Shtetit, Ned Price, tha në një konferencë për shtyp se Shtetet e Bashkuara po i kërkonin “Serbisë të fokusohet në qëllimin e saj për anëtarësimin në BE, duke përfshirë harmonizimin e politikave të saj të jashtme dhe të sigurisë me pjesën tjetër të Evropës,” raportoi Zërin e Amerikës.

“Ne vazhdimisht i bëjmë thirrje Serbisë që të ndërmarrë hapa për të avancuar në rrugën evropiane, duke përfshirë diversifikimin e burimeve të energjisë, reduktimin e varësisë energjetike nga Federata Ruse dhe harmonizimin e politikës së jashtme dhe të sigurisë me BE-në. Ne ende duam të jemi partner i Serbisë dhe ta ndihmojmë atë në përpjekjet e saj për të forcuar sigurinë energjetike në afat të gjatë,” tha Price.

I pyetur “si Shtetet e Bashkuara dhe NATO do të mbrojnë Malin e Zi, Maqedoninë veriore dhe Bullgarinë nga kërcënimet ruse, të cilat mbyllën hapësirën ajrore për aeroplanin që Lavrov duhej të udhëtonte në Serbi?”, Price tha se të tre anëtarët e NATO-s mbrohen nga neni 5. /tesheshi.com/