Nënkryetari i shërbimit të inteligjencës ushtarake ukrainase i tha Guardian se Ukraina po humbet nga Rusia në vijën e frontit dhe se tani mbështetet pothuajse ekskluzivisht në armët nga Perëndimi për ta mbajtur Rusinë larg.
“Kjo tani është një luftë artilerie. E ardhmja tani do të vendoset në skajet e fushës së betejës dhe ne po humbasim në aspektin e artilerisë,” tha Vadim Skibickij, duke shtuar:
“Tani gjithçka varet nga ajo që na jep Perëndimi. Ukraina ka një copë artileri për 10 deri në 15 rusë. Partnerët tanë perëndimorë na kanë dhënë rreth 10% të asaj që kanë.
Ne kemi shpenzuar pothuajse të gjithë municionin tonë të artilerisë dhe tani po përdorim granatat e NATO-s”, tha ai.
Presidenti ukrainas Zelensky tha javën e kaluar se nga 60 deri në 100 ushtarë ukrainas vdesin çdo ditë dhe 500 të tjerë plagosen.
Skibickij beson se konflikti në të ardhmen e afërt do të jetë kryesisht artilerie dhe se numri i sulmeve me raketa që mund të lëshohen nga Rusia dhe të godasin civilët do të mbetet në nivelin aktual. /tesheshi.com/
