Një seri billbordesh që paraqesin presidentin amerikan Donald Trump dhe princin e kurorës saudite, Mohammed bin Salman duke shtrënguar duart, me mesazhet “Ne jemi gati” dhe “Izraeli është gati”, u vendosën në Izrael dhe Uashington në mbështetje të realizimit të së ashtuquajturës “Marrëveshje e Abrahamit”, një projekt i Trumpit që në mandatin e parë për normalizimin e marrëdhënieve mes vendeve arabe dhe shtetit sionist.
Fushata, e udhëhequr nga Koalicioni për Sigurinë Rajonale, një eufemizëm që ka pas Izraelin e si i tillë vetëm siguri rajonale s’mund të ofrojë, u bën thirrje udhëheqësve të SHBA-së dhe Arabisë Saudite të “riformojnë historinë”.
“Normalizimi i marrëdhënieve midis Arabisë Saudite dhe Izraelit do të transformojë Lindjen e Mesme, duke siguruar të ardhmen tonë të përbashkët kundër agresionit iranian dhe paqëndrueshmërisë rajonale. Është koha që forcat e moderuara të bashkohen. Është koha për një rend të ri rajonal. Dita pas është tani. Ne jemi gati. Izraeli është gati,” tha ky koalicion në një deklaratë.
Grupi gjithashtu u bën thirrje liderëve që të punojnë në zgjidhje për të neutralizuar grupet e mbështetura nga Irani, Hamas në Gaza dhe Hezbollah në Liban, për të mbrojtur kufirin me Sirinë dhe për të parandaluar Teheranin të marrë armë bërthamore.
Koalicioni për Sigurinë Rajonale është një grup izraelit i ish-zyrtarëve ushtarakë dhe politikë që kërkon normalizimin e marrëdhënieve me Arabinë Saudite dhe ndarjen nga palestinezët. Dhe mjafton që pas thirrjeve është Izraeli, një mishërim i djallëzisë në çdo aspekt, ku veçon pabesia, për të treguar se siguria e kërkuar nuk është gjë tjetër veçse një Izrael që me lirinë për të bërë gjithçka në rajon, kryesorja fshirja njëherë e mirë e çështjes palestineze. /tesheshi.com/
