Një numër vendesh nuk i kushtuan vëmendje të mjaftueshme këshillave nga jashtë në fazat e hershme të pandemisë koronare, sipas një studimi ushtarak gjerman.
“Kriza tregon se, në varësi të kulturës politike, paralajmërimet e hershme janë injoruar pjesërisht ose madje janë hedhur poshtë nga shtete të ndryshme,” tha Christian Haggenmiller, mjek dhe ekspert në Institutin Gjerman për Mbrojtje dhe Kërkim Strategjik (GIDS), në një dokument të lëshuar të mërkurën.
Ai citon Shtetet e Bashkuara si një shembull,.
“SHBA ka mjete shumë të gjera për zbulimin e hershëm të kërcënimeve shëndetësore, civile dhe ushtarake, si dhe ka njohur shpejt zhvillimet mbi Covid-19. Por udhëheqja politike nuk e ka konsideruar atë si përparësi”, tha ai.
GIDS është një institucion i bazuar në bashkëpunimin midis ushtrisë gjermane dhe Universitetit Ushtarak të Hamburgut “Helmut Schmidt”.
Instituti heton çështjet e sigurisë dhe këshillon politikanët dhe udhëheqësit ushtarakë. /tesheshi.com/
