Thika më e vogël në botë, në ankand

Një thikë shkrimi që besohet të jetë më e vogla në botë do të dalë në ankand nga Hansons Auctioneers.

Thika është e gjatë 7 mm dhe është më e vogël se një qindarkë.

Është pjesë e një koleksioni me më shumë se 160 shpata dhe pistoleta antike me vlerë rreth 40,000 paund sipas shtëpisë së ankandit.

Thika e vogël e palosshme është bërë nga një anëtar i familjes për të fituar baste, sipas pronarit aktual Brian Jackson nga Staffordside.

 “Ai bëri thikën dhe me sa duket fitoi shumë baste me klientët e pub-eve se ai kishte thikën më të vogël të palosshme në botë”, shtoi ai, sipas BBC.

79-vjeçari u frymëzua për të filluar koleksionin duke pasur një bajonetë të Luftës së Parë Botërore në dhomën e tij të gjumit kur ishte fëmijë.

Ai i bleu shumicën e armëve nga ankande dhe dyqane antike.

Thika kryeson listën e gjetjeve emocionuese, tha eksperti i shtëpisë së ankandeve Matt Crowson, duke vënë në dukje se është bërë në Sheffield rreth vitit 1850.

Koleksioni do të shitet në një ankand të mbajtur më 15 gusht në Richmond, Londër. /tesheshi.com/