Fosili i një balene të rrallë
Zakonisht kur gërrmon në oborrin e shtëpisë, mund të nxjerrësh ujë ose të mbjellësh perime. Por, ka njerëz që kanë nxjerrë nga toka thesare të pabesueshme shkencore, në mënyrë krejt rastësore. Kjo është historia e Gary Johnson. Në vitin 1978, ai zbuloi një fosil balene në oborrin e banesës së tij.
Ekspertët e muzeut lokal që ai kontaktoi sapo u ndesh me zbulimin e tij, e patën të pamundur ta lëvizin fosilen, për shkak të madhësisë skeletit.
Gjetja e Gerit u la në harresë deri në vitin 2014. Pas gjetjes së fosiles së një balene tjetër dhe ekspozimit në Muzeun Historik Kombëtar, Johnson kontaktoi me këtë organizatë shkencore, e cila u tregua e interesuar dhe ra dakord duke hartuar edhe një plan për të nxjerrë fosilen e gjetur në banesën e tij.
Muzeu punoi për këtë sposim me vullnetarët e kërkim-shpëtimit të Departamentit Anglez , të cilët përdorën metoda të kujdesshme të gërrmimit dhe e spostuan fosilen së bashku me shkëmbin ku ishte depozituar në një tunel të oborrit, duke përdorur makara dhe transportierë çeliku.
Fosilja e rrallë e balenës peshonte më shumë se 450 kilogramë. Ata dërguan më pas eshtrat e fosilizuara në muze për ta vendosur në koleksionet e rralla të këtij lloji. Fosili është vlerësuar se është 16 deri në 17 milionë vjeç dhe është jashtëzakonisht i rrallë. Si kjo fosile balene deri tani janë vlerësuar rreth 20 të tilla në botë.
Një tunel në piramidën e Khufu
Historia e Nagy-t në Egjipt fillon po me gërrmimin në oborrin e shtëpisë në vitin 2014, madje ai ishte duke punuar pa marrë leje. Ndërsa gërrmonte, burri gjeti një korridor nëntokësor 10 metra të thellë. Ministria e Antikiteteve të Egjiptit u informua për këtë zbulim , i cili pas studimeve rezultoi të ishte një gjetje e rrallë. Ata dërguan arkeologë në shtëpinë e tij, të cilët e kuptuan se ai kishte zbuluar shtegun legjendar për në Piramidën e Khufu, më e lashta e tre piramidave të Gizës. Arkeologët kishin kërkuar për këtë korridor për më shumë se 30 vjet. Rruga ishte përmendur në “Historitë” nga Herodoti, i cili pretendonte se e kishte vizituar atë. Herodoti shkroi se pasazhi ishte mbyllur dhe mbuluar me relievë, por para zbulimit të Nagy, vetëm mbetjet e vogla të shtegut ishin gjetur. Kompleksi piramidal Khufu dihet se ka një lidhje me një tempull të humbur pranë lumit Nil. Zbulimi i shtegut ka bërë që arkeologët të besojnë se tempulli mund të gjendet i varrosur nën fshatin Nazlet el-Samman.
Përgatiti: Mark Brunga- /tesheshi.com/
