Më 23 janar pritet të nisin në Astana të Kazakistanit bisedimet për gjetjen e një zgjidhjeje politike të krizës gjashtëvjeçare në Siri, prej së cilës është shkatërruar një pjesë e mirë e vendit dhe janë vrarë e zhvendosur mijëra njerëz.
Negociatat midis qeverisë dhe opozitës siriane pasojnë një armëpushim të hyrë në fuqi në fund të dhjetorit e të mundësuar me ndërmjetësimin e Rusisë dhe Turqisë.
Në një konferencë shtypi me homologun neozelandez, kryeministrja britanike, Theresa May, e ka çmuar si jetik ndikimin e Rusisë dhe Turqisë për garantimin e armëpushimit në Siri.
“Eshtë jetike që Rusia dhe Turqia e përdorin ndikimin e tyre për të garantuar zbatimin e plotë të armëpushimit dhe për të krijuar kushtet e duhura për bisedimet në Astana më vonë gjatë këtij muaji.”
“I mbështesim këto përpjekje për t’u kthyer te negociatat,” është shprehur May në konferencën e shtypit, “sepse e vetmja mënyrë për t’i dhënë fund këtij konflikti të tmerrshëm është sigurimi i një tranzicioni përmes një marrëveshjeje politike të njëmendtë dhe përfshirëse.” /tesheshi.com/
