Anëtarja e Parlamentit të Britanisë nga Partia Konzervatore, Andrea Leadsom është tërhequr sot nga gara për kryeministre e Britanisë së Madhe, andaj ministrja për punë të brendshme Theresa May mbetet kandidatja e vetme për këtë funksion.
Leadsom ka deklaruar se konsideron se nuk ka mbështetje të mjaftueshme për fitore, për të udhëhequr një qeveri të fortë dhe stabile, njofton Reuters.
Leadsom ka thënë se Theresa May është personi më i duhur për të udhëhequr me bisedimet në Bruksel për daljen e Britanisë nga Unioni.
Kryemnistri britanik, David Cameron ka paralajmëruar dorëheqjen e tij menjëherë pas referendumit për Brexit, dhe ka thënë se mbetet që pasardhësi i tij të aktivizojë nenin e 50-të të marrëveshjes së Lisbonës, në mënyrë që të inicojë edhe zyrtarisht procesin e shkëputjes nga Bashkimi Evropian.
/tesheshi.com/
