Themeluesi i Red Bull, Dietrich Matesich kishte marrë një divident prej 866 milionë eurosh, por nuk pati kohë ta “shijonte”, pasi pak ditë më vonë dha frymën e fundit.
Miliarderi austriak, sipas të dhënave të kompanisë së pijeve freskuese, kishte marrë shumën prej 866 milionë eurosh, që lidhej me fitimet e vitit 2021. Ky kapital, në fakt, ishte rritur me 28% krahasuar me vitin e kaluar.
Si pasojë e kësaj pagese, pasuria totale e Mateshich-it i kaloi 15 miliardë dollarët, zhvillim që i “i dha” titullin e njeriut më të pasur në Austri.
Pas vdekjes së tij, natyrisht, të gjitha sa më sipër iu kaluan djalit të tij të vetëm, Markut, i cili tani zotëron 49% të Red Bull.
Si filloi gjithçka
Dietrich Matesich, me origjinë nga Kroacia, filloi karrierën e tij në departamentin e marketingut të Unilever në 1972 dhe më vonë do të transferohej në Blendax të P&G, duke u marrë me marketingun e pastave të dhëmbëve. Pikërisht atëherë, duke udhëtuar shpesh në Azi për punë, ai do të takonte pijen që do t’i “shpëtonte” jetën.
Në mesin e viteve 70, në Tajlandë, themeluesi i farmaceutikës T.C. Pharmaceuticals, Saleo Giuvidia e cila tregtonte kryesisht antibiotikë, mendoi të krijonte një pije që përmbante sheqer, kafeinë dhe taurinë dhe mund të stimulonte trupin. Ai e quajti atë “Krating Daeng”, që do të thotë “Red Bull” (në fakt Daeng është një lloj buall i ujit të Tajlandës). Pija freskuese e lirë u bë shpejt e njohur me shoferët e kamionëve të vendit që kërkonin të largonin përgjumjen gjatë udhëtimeve të tyre të gjata gjatë natës.
Në atë kohë, gjatë një udhëtimi pune në Tajlandë, Matesich “zbuloi” Krating Daeng si një pije që mund ta ndihmonte atë të shpëtonte, pasi kafeja thjesht nuk i mjaftonte. Ai u bë menjëherë një fans. Disa vite më vonë, atij iu dha mundësia të takonte shpikësin e pijes, Giuvidia-n.
Ata vendosën secili 500,000 dollarë dhe themeluan Red Bull në Austri. /tesheshi.com/
