Ministri i Forcës së Sigurisë së Kosovës (FSK), Haki Demolli, është deklaruar sërish për themelimin e ushtrisë ku i ka dalë në mbrojtje edhe preisdentit për iniciativën por edhe kryeministrit për kundërshtimin e bërë.
“Presidenti i vendit është dhe komandanti suprem i FSK-së, andaj ka vepruar plotësisht në përputhje me kompetencat e tij kur e ka iniciuar Projektligjin për transformimin e këtyre forcave në ushtri”, ka thënë Demolli, në një intervistë për Ekonomia Online, derisa rikujton se ministria që ai drejton e kishte hartuar qysh më 2015 projektligjin për transformimin e FSK-së në forcë të armatosur.
Demolli e pranon se projektligji i përgatitur nga Zyra e Presidenti “nuk është i përkryer”, por beson se ai do të plotësohet.
Ndërsa, sikurse shefi i tij, Mustafa, edhe Demolli thotë se është me rëndësi që të krijohet ushtria, por në të njëjtën kohë duhet të ruhet dhe partneriteti me NATO-n dhe SHBA-në.
Sikur dihet, këto dyja, kërkojnë që transformimi i FSK-së të bëhet nëpërmes ndryshimeve kushtetuese, për çka duhen dhe votat e deputetëve serbë. /tesheshi.com/
