Është thelluar akoma dhe më tej përplasja mes ministrit të Rendit, Saimir Tahiri dhe Prokurorisë së Përgjithshme, ku në lojë është futur dhe gazeta Shekulli, pra Koço Kokëdhima, e cila ditë më parë publikoi dhe një raport, sipas saj të Shërbimeve Inteligjente për drogën, gjë që u kundërshtua ashpërsisht nga dikasteri i Rendit, në deklaratën e së cilës u aludua për interesa politike.
Por këtë të mërkurë, ministri Tahiri ka vendosur të qëllojë direkt, në fillim Prokurorinë, duke thënë se është bërë si “qytetari dixhital” (pra i Berishës), e më pas media që bëjnë lojën e saj.
“Do të dalë ndonjë portal a ndonjë gazetë që ta bëjë pis punën tonë”, tha Tahiri.
Sipas tij, gjthçka ka për qëllim sulmin ndaj policisë për luftënn e saj kundër drogës. Por kjo përplasje që vihet re rej kohësh, mes Prokurorisë dhe ministrit Tahiri, ka patur në sfond antagonizma politikë, ku kreu i rendit është shfaqur i padëshiruar sidomos nga LSI.
Por së fundi, në krah të Metës është shfaqur dhe Kokëdhima, pikërisht nga linja që ka ndjekur Shekulli në “luftën kundër drogës”. /tesheshi.com/
