Ndërsa dikur aktivistët e Vetëvendosje-s shkruan parulla kundër pushtetit, tashmë kanë nisur një gjë të tillë ta bëjnë kundër vetvetës, kjo pas skandalit që plasi në këtë parti nga dita e premte e që çarjet vazhdojnë të thellohen ku ndarja në dysh duket e pashmangshme.
Në hyrje të selisë të këtij subjekt por jo vetëm është shkruar një grafit, në të cilin shkruhet “Ska baba, ka ide”, që i referohet Albin Kurtit i cili nga shumica e aktivistëve së fundmi është quajtur “baba” i VV-së.
Ky grafit vjen vetëm një ditë pasi kryevetëvendosësi Visar Ymeri në një emision televiziv tha se askush nuk ka të drejtë të privatizojë organizatën dhe se Lëvizja është mbi çdo njeri. /tesheshi.com/
