Qendra e Bashkëpunimit Ndër-Fetar në Elbasan, një organizatë e drejtuar nga studiuesi dhe analisti i çështjeve fetare Arben Ramkaj, veçoi mesazhin kuranor të dhënë në nisje të Botërorit në Katar, i pari event i tillë gjigand futbolli në një vend musliman.
“Ky ajet nga Kurani famëlartë u lexua në ceremoninë hapëse të Kupës së Botës ne Katar.
‘O ju njerëz, vërtet Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s’ka dyshim se te Allahu më i ndershmi ndër ju është ai që më tepër është i devotshëm, e Allahu është shumë i dijshëm dhe hollësisht i njohur për çdo gjë’. (Huxhurat,13)
Urime Katarit për këtë event kaq të rëndësishëm ndërkombëtar siç është sporti më i dashur, futbolli. Kampionati botëror në Katar këtë vit nuk është vetëm loja, por dhe një urë e veçantë e dialogut ndërkulturor mes kombeve dhe qytetërimeve.
Thirrjet për bojkot janë thirrje dëshpëruese për ata të cilët diversiteti kulturor është i njëtrajtshëm dhe i njëanshëm”, shkruhet në faqen e kësaj organizate, e cila promovon bashkëjetesën fetare në Shqipëri. /tesheshi.com/
