“The Telegraph” shkruan se zyrtarët britanikë kanë ngritur dyshime se Irani ose Rusia kanë ndihmuar Korenë e Veriut për “avancimin e papritur” në zhvillimin e armatimit atomik.
Kjo gazetë ka raportuar sot se zyra e jashtme britanike po zhvillon hetime nëse “vendet e tanishme dhe të dikurshme atomike” kanë ndihmuar Phenianin për të zhvilluar armatim bërthamor me kapacitet për bartje në raketa.
“Irani është në krye të listës së vendeve të dyshuara, se i kanë dhënë ndonjë formë të ndihmës, por edhe Rusia është po ashtu në fokus”, shkruan “The Telegraph”.
Zyrtarë të lartë të paidentifikuar i kanë thënë gazetës, se “është e pabesueshme” që shkencëtarët e koreanoveriorë ishin në gjendje që të arrinin vetë zhvillimet atomike. /tesheshi.com/
