Respiratorët kinezë, të marrë nga qeveria britanike si jetikë për sistemin e kujdesit shëndetësor në luftën kundër koronavirusit, kanë rezultuar të dobët dhe të papërshtatshëm për t’u përdorur në spitale, madje dhe potencialisht të rrezikshëm për pacientët, raporton The Guardian.
250 sosh që mbërritën nga Kina në 4 prill kishin probleme aq serioze sa nuk mund të përdoren dhe u hodhën poshtë, shkruan prestigjozja britanike.
Mjekët në Spitalet West Midlands të cilët i përdorën këta frymëmarrës ishin aq të shqetësuar sa i shkruan ministrit të Shëndetësisë Matt Hancock, duke e paralajmëruar atë se këto pajisje mund të ishin vdekjeprurëse për pacientët.
“Ne besojmë se nëse përdoren, ato mund të dëmtojnë pacientin, madje ta vrasin atë. Shpresojmë që këta respiratorë të tërhiqen dhe të zëvendësohen me më të mira për të ofruar një kujdes më të mirë intensiv për pacientët”, shkriuan ata.
Mjekët paralajmëruan Ministrinë e Shëndetësisë dhe Mirëqenies Sociale se sasia e oksigjenit në pajisje ishte “e ndryshueshme dhe jo e besueshme”, se cilësia e tyre ishte “themelore”, se lidhja me bazën e oksigjenit ishte etiketuar “e papërshtatshme për BE” dhe se ishin shumë të vështira në pastrim.
Bëhet fjalë për Shangril 510, respiratorë të “Pekin Aeonmed”, një prodhues kryesor i tyre në Kinë sipas Guardian, duke shtuar se mjekët thanë që ato ishin krijuar për përdorim në ambulanca sesa në spitale.
Në ditën kur arritën, qeveria falënderoi Kinën që i dërgoi, por më vonë, spitalet që i morrën në përdorim, raportuan se ato nuk ishin optimale.
“Jo të gjithë respiratorët funksionojnë. Ato nuk kishin qendrat e duhura të oksigjenit dhe tubat nuk u përshtatën. Të gjitha spitalet u përpoqën t’i përdorin, por dështuan. Në atë kohë, ne ishim shumë të shqetësuar, pasi mendonim që spitalet do të ishin të mbushur me pacientë që kishin nevojë për frymëmarrës. Për fat të mirë kjo nuk ndodhi”, tha një nga zyrtarët e rangut të lartë të një spitali. /tesheshi.com/
