Drejtuesi i ri i ISIL-it, siç konfirmohet nga dy burime për The Guardian, është Amir Mohamed Abdul Rahman al-Mawli al-Salbi. Ai është një nga themeluesit e këtij grupimi dhe ka udhëhequr operacionet e tij në të gjithë botën.
Salbi u emërua udhëheqës disa orë pas vrasjes së Abu Bakr al-Bagdadi në tetor të vitit të kaluar. Ai u burgos nga forcat amerikane në 2004 në burgun Buça në jug të Irakut, ku u takua me Bagdadin.
Para vdekjes së Bagdadit, SHBA ofroi 5 milion dollarë për vdekjen e Salbit dhe dy anëtarëve të tjerë të rangut të lartë të ISIL. Që nga vdekja e Bagdadi, ai mendohet se po kërkon të konsolidojë udhëheqjen, e përbërë tani kryesisht nga një gjeneratë e re, e cila nuk luajti një rol udhëheqës në luftën kundër forcave amerikane dhe luftës civile në Irak.
Shërbimet e inteligjencës dinë shumë pak për lëvizjen e Salbiut, por supozohet se ai nuk e ndoqi Bagdadi në Idlib, por se ai ishte vendosur diku në perëndim të qytetit të Mosulit. Përkatësisht, Mosul u bë një strehë për udhëheqësit e mbetur të ISIL-it. Ata kërkojnë të maskohen në mesin e popullatës lokale, e cila pas pesë vitesh luftë dhe shpërngulje filloi të rindërtojë shtëpitë dhe jetën e tyre. /tesheshi.com/
