Përshkrimet për përfaqësueset që do jenë pjesë e Kampionatit Europian “Francë 2016”, veç se kanë filluar të jenë pjesë e shtypit europian. Një të tillë së fundmi e ka bërë prestigjiozja britanike “The Guardian”, deri sa ka shkruar edhe për gjasat që ka kombëtarja shqiptare në këtë kompeticion.
Në artikullin e botuar për kuqezinjtë e De Biasit thuhet:
“Shqipëria është një tjetër skuadër që do jetë pjesë e Kampionatit Europian “Francë 2016”. “Shqipëria është një tjetër ekip që do të jetë në ‘Francë 2016’. Pas fitores 0-3 në Armeni muajin e kaluar, kuqezinjtë arritën që të renditen në vendin e dytë në Grupin I”.
“Kjo do të jetë pjesëmarrja e parë e kësaj skuadre në një kompeticion të tillë. Ata kanë arritur që të fitojnë katër nga tetë takimet e vlefshme gjatë kualifikueseve. Gjithashtu nuk janë mundur në asnjë nga transfertat që kanë zhvilluar”.
Ndërkohë, sa i përket mundësisë që Shqipëria të triumfojë në Europian është shumë e vogël. Madje, gjasat minimizohen aq shumë sa shkalla e koeficientit është shumë e lartë.
“Sa i përket mundësisë për të triumfuar, koeficienti i Shqipërisë është 1 me 300” , shkruan prestigjiozja “The Guardian”.
/tesheshi.com/
