Bota në vitin 1950 dukej shumë më ndryshe nga ajo që është tani. Evropa ishte shtëpi e 22% të 2.5 miliardë njerëzve në botë.
Gjermania, Britania, Italia dhe Franca numërohen në mesin e 12 vendeve më të populluara. Por rritja e fortë ekonomike në Azi, e shoqëruar me nivele të larta të lindshmërisë në Afrikë, kanë kontribuar në një ndryshim të madh rajonal në popullatën globale.
Perspektiva e fundit e popullsisë botërore e OKB-së, pret që bota të rritet nga 7.2 miliardë njerëz sot në 9.6 miliardë në vitin 2050.
Shifra është 300 milion më shumë se sa ishte parashikuar më parë, dhe pasqyron rritje në normat e lindshmërisë në vendet sub-sahariane, si Nigeria dhe Etiopia dhe vende të tjera.
Më shumë se gjysma e 2.4 miliardë njerëzve në vitin 2050 do të jenë afrikane. India do të rritet në 1.6 miliardë banorë, madje është në rrugë të duhur për të kapërcyer Kinën në vitin 2028.
Popullsia e Kinës do të arrijë pikun në vitin 2030, ndërsa India parashikohet ta bëjë këtë rreth vitit 2063.
Deri në vitin 2100 OKB-ja parashikon që popullsia të arrijë në 10.9 miliardë dhe të jetë ende në rritje. Gjithashtu do të jetë shumë më e vjetër.
Mosha mesatare parashikohet të rritet në 41 vjeç nga 29 që është sot, dhe rreth 28% e Botës (pothuajse 3 miliardë njerëz) do të jenë mbi 60 vjeç. /tesheshi.com/
